Hipertentsioa eta loditasuna

Gaurko honetan, aho guztietan dabilen hipertentsio terminoa definituko dugu, loditasunarekin duen erlazioa aipatuz. 

Hipertentsioa, izatez, presioa altua izatean datza. Gaixotasun kronikoa da, non tentsio arteriala igotzen den balore normaletik gora. Mundu osoan zabalduta dagoen gaixotasun bat da bihotzari kalte egiten diona. Blog honetako aurreko ataletan behin eta berriz idatzi dudan moduan, ohitura desegokiak gaixotasunak sortzen dituzte, eta honen eragileetako bat ere ohitura desegokiak dira, hala nola, sedentarismoa eta dieta desegokiak. 

Gaixotasun honek isilean kalte egiten du, bai sistema arterialean baita sistema kardiobaskularrean ere,zirkulazio aparatu osoa gutxi- gutxika okertzen.

 140/90mmHg-eko tentsio handiago duten pertsonek, hipertentsioa sufritzen dutela esan dezakegu. Hala ere, 130/80mmHg-139/89mmHg bitartean dauden pertsonek, gaixotasuna   jasateko arriskuan daude, beraz, pertsona hauek ere kontuz ibili behar dira.

 Pisuaren igoera, zuzenki proportzionala da loditasunarekin. Aldi berean, loditasunak  hipertentsioa jasateko probabilitatea hirukoiztu egiten du. 10 kilogramo loditzeak, presio maximoan 3 mmHg igotzea eragiten du eta aldi berean 2.3mmHg presio minimoan.

Eragileen artean hauexek daude:

• Adina: arteriosklerosia.
• Gatzaren gehiegizko kontsumoa.
• Bizimodu sedentarioa edo geldikorra.
• Estresa.
• Tabakismoa.
• Alkoholismoa.
• Loditasuna.
• Diabetea.
• Eragile genetikoak.
• >55 urte (gizonetan) / >65 urte (emakumeetan)

Hipertentsioak ez du inolako sintomarik. Kasu batzuetan zefalea agertzen da, baina hau oso inespezifikoa da. Gehienetan konplikazioak izaten dira bere diagnostikorako giltzarria. Horregatik, adin batetik aurrera hipertentsioa kontrolatu egin behar da konplikazio hauek agertu aurretik.

Horrela bada, hipertentsioa beste gaixotasun larri batzuen eragilea da: Kardiopatia iskemiakoa, istripu zerebrobaskularrak edo giltzurrun-gutxiegitasuna.

Gehiago jakiteko